Охин үрээ хайрла!

Сайн байцгаана уу. Та бүхэнтэй би ямар нэг зовлон ярилцья гэж бодсонгүй ээ. Энэ сайтаар дүүрэн хөгшин залуугүй эхнэр,нөхрөө хуурсан араар тавьсан хүмүүс. Мэдээж ийм болохоор ихэнх нь өөрийн гэсэн их бага хэмжээгээр асуудалд орсон. Хэн нэгэндээ гомдсон, хариугаа авах гэж өөр хүнтэй явна. Салахаа мэдэхгүй эргэлзэж байгаа  хүмүүс эсвэл өөр амьдрал зохиох гэсэн хүмүүс. Харамсалтай нь ихэнхдээ эмэгтэйчүүд захиа бичсэн харагдана. Хөөрхий тэр эмэгтэй чиний төрсөн эхээс ялгаагүй. Бүх эмэгттэй хүн ижил.Эмэгтэй хүн хааяа өөрийгөө зовох гэж төрсөн юм шиг гэж бодож магадгүй гэхдээ хамгийн их аз жаргалтай байх ёстой хүн бол эмэгтэй хүн юм шүү. Энэ шүлгийг орууллаа. Эрчүүдээ эхнэрээ хайрлаж яваарай.

Охин үрээ хайрла!

Омогдож загнахдаа ч хайрла!
Охин үрээ хайрла!
Ойворгон зэмлэхдээ ч хайрла!
Нар ханын толгойд буухад хааяа нэг сэрэг, бүү зэмлэ
Насаараа тэр чинь өглөө босох хүн, төрсөн гэртээ л нойр аваг
Нар шингэж үдшийн хар чийг унатал найз нартайгаа дуулалдаг
Насаараа тэр чинь айлын голомт манаж морин төвөргөөн хүлээнэ
Энхрий гарын нь хурууг чилтэл гэр зуураа зарахдаа
Ээжийн цай уулгаж, аавын үгээр энхрийл
Эцгийн гэрээс гармагц эрийн гарт нухлагдана
Харийн газар одож хадмын нүүрийг царайчилна
Насаараа уухгүй амтат цайг нялх багад нь гэрт нь уулга
Насаараа амсахгүй жаргалыг нялх багад нь тоонотод нь эдлүүл
Насаараа сонсохгүй энхрий үгийг нялх багад нь гамнахгүй хэл
Насаараа нууж урсгах гашуун нулимсыг нь бодож цөөн уйлуул, охин үрээ!
Хүний гэргий болох гэж гангар шаазан шиг хагарна
Хүүхэн хонгор үрээ гарын алгандаа энхрийл
Хүй орчлонгийн жамтай тэнцүүлж түүнээ хайрла
Хөөрхөн хонгор аалинд нь эрхлүүлж түүнээ хайрла
Үрийн эх болох гэж алтан заадал сална
Үүлэн хонгор үрээ тэнгэрийн мандалдаа эрхлүүл
Үйл нь дуусдаггүй хорвоод балчирт нь амжиж жаргаа
Үс гэзгээ цайтал өнөд шаналахыг нь болгоо
Зөөлөн булбарай хурууг нь зүү утастай шадарлуул
Зүйдэл оёдлын хорвоод охин үр чинь төрснийг сана
Зөөлөн хонгор аашийг нь зүйр үгтэй шадарлуул
Зөвлөх хэлцэхийн хорвоод охин үр чинь төрснийг сана
Арван жил зэмлээд ч ухааруулж амжаагүй үгийг чинь
Анхны үр нь төрөөд үдшийн шөнөдөө ухааруулна
Хорин жил дуудаад сэрээж чадаагүй нойрыг нь
Хонгор үр нь төрөөд үүрийн жавраар ч хулжаана
Охин үрээ энхрийл, орчлонгийн зовлонд цадахын цагтаа
Огшуун нулимсандаа живэхийн цагтаа хожмоо нэг дурсана
Аавын гэрт жаргасан даа гэж хэзээд нэг тайтгарна
Ээжийн өвөрт эрхэлсэн дээ гэж эрхгүй нэг уужирна

Охин үрээ хайрла
Хясаа сувдаа нуудаг шиг хайрла
Охин үрээ хайрла
Үүл усаа хураадаг шиг хайрла
Охин үрээ хайрла
Уул эрдэнээ нуудаг шиг хайрла
Охин үрээ хайрла
Ус загасаа цэнгүүлдэг шиг хайрла
Хатуугаас хатуу үгийг ханатлаа үр чинь сонсоно
Хавраас намар хүртэл төрхөмдөө очиж хэлэх үү?
Хайртай охиноо зэмлэхдээ харцаараа ч болов энхрийл
Хаврын шувууд шиг намрын жимс шиг үгийг  охиндоо хэл
Бусдыг хайрлах л гэж төрсөн юм охин үрээ энхрийл
Буцаж урсдаг ус байхгүй, эргэж та нарыг хайрлахгүй
Эргүүлэгт орчлон харин охин үрийг чинь хайрлахгүй
Энгэсэгт хацраар гэрэлтэвч зовлон нь та нарт харагдахгүй
Үндэс нь газарт цэцэг нь тэнгэрт
Үүн лүгээ адил санаж охин үрээ хайрла
Тэнгэрт чинь нар ч бий хур ч бий аянга ч бий
Тэнгэрлиг охин үрийг чинь жаргал ч тосно зовлон ч тосно
Хөөрхий түүнийг нялхад нь жаргаа
Хүүрнэн сургаад яах вэ дээ орчлон түүний багш юм
Хүний л гарт очих бүсгүй түүнийг энхрийл
Хүний л эрхэнд жаргах охин үрээ хайрла

Хүмүүсээ бие биедээ үнэнч байл даа. Өөрсдийн босгосон сайхан амьдралаа бэлгийн дур хүсэлдээ автан нурааж болохгүй ш дээ. оюун ухаант хүн биз дээ. араатан биш шүүдээ. эрчүүд нь гэж бөөн гаж донтой нөхдүүд эхнэртэй байж л өөр хүнтэй орооцолдоно. тэгээл сална салсан нөхдүүд яаж байна. нөгөө айлийн эхнэр нөхөрийг салгаж байна. үнэхээр харамсалтай. энэ сайтад орж ирж бичдэг хүмүүс байна. зовлонгоо хуваалцах гэсэн. цаана нь хичнээн байгааг хэлэхэд хэцүү.өнөөдөр монголын хэдэн гэр бүл тутамд ийм асуудал байгаа бол. хүн бүхэн сайхан халуун ам бүлээрээ эвтэй найртай хайраар бялхаж амьдрахийг хүсдэг. би тийм байх гэж бодож байна. хэрүүлтэй уруултай нус нулимс болсон тийм гэрт хэн ч байхыг хүсэхгүй. Бие биедээ үл итгэсэн хардалцсан хуурсан энэ бүгд хүний зан чанар авир.

Хүмүүсээ бие биедээ сайхан үг хэлж урмаар тэтгэж бие биеэ хүндэлж хайрандаа үнэнч, амьдралаа дэндүү ихээр хайрлаж амьдарья.

Хэн нэгнийгээ гомдоосон бол очоод уучлал гуйгаад сэтгэлээ онгойтол ярилцаад үзээч. Бие биенээ битгий гомдоогооч. Та бүхнийг сэтгэлээ жоохон ч гэсэн зөөлрүүлээсэй гэсэн дээ үүнийг бичлээ.